Azərbaycan Voleybol Federasiyasının vitse-prezidenti və qadın millimizin baş məşqçisi Faiq Qarayev "Abşeron" klubunda rəhbər vəzifəyə gətirilib.

Prosport.Az-a verilən xəbərə görə, o, qeyri-rəsmi də olsa "Abşeron"da baş məsləhətçi kimi işə başlayıb.

Təcrübəli mütəxəssis hətta ötən ay komanda ilə Sloveniyanın Maribor şəhərində təlim-məşq toplanışında da olub. Məsələ ilə bağlı "Abşeron"un prezidenti İlqar Nuriyev saytımıza açıqlama verib:

"Milli komandanın 7 oyunçusu bizdədir. Özü isə qadın millimizin baş məşqçisi olduğundan, bizə məsləhətlərini verir. Sanlt-Peterburqdan qızlar komandamıza gəlib. Sloveniyaya da həmin qızları görmək üçün getmişdi".