Yeniyetmə və gənc karateçilərimiz İtaliyanın Venesiya şəhərinə yola düşüb.

Prosport.Az xəbər verir ki, yığma komandamız 9-13 oktyabr tarixlərində İtaliyanın Venesiya şəhərində təşkil olunacaq XIII dünya çempionatında iştirak edəcək.

Yığmamız dünya çempionatında 25 nəfərdən ibarət heyətlə baş məşqçi Anar Allahverdiyevin, məşqçilər Seymur Xudaverdiyev və İsmayıl Quliyevin rəhbərliyi altında kumite və kata növlərində mübarizə aparacaq.

Dünya çempionatında 2 hakimimiz ədaləti qoruyacaq. Bunlar Azərbaycan Karate Federasiyasının Hakimlər Komitəsinin sədri Cahangir Babayev, eləcə də 14 və 17 yaşlı idmançılardan ibarət kata üzrə yığmanın baş məşqçisi Vüqar Kərimovdur.