Azərbaycanın minifutbol üzrə U-23 millisi Xorvatiyanın Mali Loşin şəhərində təşkil olunan dünya çempionatının qrup mərhələsindəki ilk matçında məğlub olub.

Prosport.Az xəbər verir ki, Rəcəb Fərəczadənin baş məşqçisi olduğu kollektiv Serbiyanın U-23 yığmasına 1:5 hesabı ilə uduzub.

Yığmanın heyətində yeganə qolu 11-ci dəqiqədə Ziya Məmmədli rəqib qapısından keçirib.

Qeyd edək ki, dünya çempionatı oktyabrın 7-dən 10-dək keçiriləcək. Azərbaycan millisi sabah Hindistan, oktyabrın 9-da Çexiya yığmaları ilə üz-üzə gələcək.

11:46

Azərbaycanın minifutbol üzrə U-23 yığması Xorvatiyanın Mali Loşin şəhərində keçirilən dünya çempionatının seçmə mərhələsində bu gün ilk oyununa çıxacaq.

Prosport.Az xəbər verir ki, millimiz Serbiya ilə üz-üzə gələcək. Görüş Bakı vaxtı ilə saat 15:30-da start götürəcək.

Qeyd edək ki, Azərbaycan millisi oktyabrın 8-də Hindistan, bir gün sonra isə Çexiya ilə qarşılaşacaq.