Azərbaycan Basketbol Liqası təmsilçiləri "Neftçi" və "Ordu" kollektivləri yoxlama görüşündə üz-üzə gəlib.

Prosport.Az xəbər verir ki, Azərbaycan Texniki Universitetinin idman zalında keçirilən qarşılaşma 67:59 hesabı ilə "ağ-qaralar"ın xeyrinə başa çatıb.

“Ordu” klubunun ispaniyalı baş məşqçisi Alberto Blanko bu gün keçirilən yoxlama oyunu barədə klubun mətbuat xidmətinə açıqlama verib: “Bizim üçün yaxşı təcrübə oldu. Maraqlı oyun keçdi. Xüsusilə bu həftə üzərində işlədiyimiz bəzi taktiki gedişləri nəzərdən keçirdik. Eyni zamanda bəzi səhvlərimiz oldu ki, bunların üzərində işləməliyik. İstənilən halda, mən komandamın yaxşı amerikalı legionerlərin çıxış etdiyi və yaxşı baş məşqçisi olan bir komandaya qarşı oyunundan razı qaldım. Onlar əllərindən gələni etdi. Hesab edirəm ki, biz düzgün yoldayıq və getdikcə daha yaxşı formada olacağıq”.