Çimərlik futbolu üzrə millimiz İspaniyanın Kadis şəhərində təşkil olunan dünya çempionatının seçmə mərhələsində növbəti qələbəsini qazanıb.

Prosport.Az xəbər verir ki, Sahib Məmmədovun baş məşqçisi olduğu komandamız A qrupunun II turunda Gürcüstan yığmasını 7:2 hesabı ilə məğlub edib.

Millimizin heyətində qolları Elşad Manafov (2), Sabir Allahquliyev, Ramil Əliyev, Amid Nəzərov, Kamran Qürbətov və Bayram Bayramlı vurub.

Qeyd edək ki, Azərbaycan yığması daha əvvəl İngiltərədən güclü olub – 4:0. Seçməmiz oktyabrın 7-də meydan sahibi İspaniya (saat 20:00) ilə qarşılaşacaq.

10:40

Çimərlik futbolu üzrə Azərbaycan millisi İspaniyanın Kadis şəhərində keçirilən dünya çempionatının seçmə mərhələsində bu gün növbəti matçına çıxacaq.

Prosport.Az xəbər verir ki, A qrupunda mübarizə aparan yığma ikinci görüşündə Gürcüstanla qarşılaşacaq. Oyun Bakı vaxtı ilə saat 14:45-də başlayacaq.

Sahib Məmmədovun rəhbərlik etdiyi kollektiv ilk turda İngiltərəni 4:0 hesabı ilə məğlub edib.

Qeyd edək ki, Azərbaycan millisi qrupda son oyununu oktyabrın 7-də İspaniyaya qarşı keçirəcək.