NTD klubunun basketbolçusu Qalen Smit yeni mövsümə hazırlıqları dəyərləndirib.

Prosport.Az xəbər verir ki, amerikalı mərkəz hücumçusu bu barədə klubun mətbuat xidmətinə danışıb.

“Ötən mövsümdən yarımçıq qalan işlərimizə görə qayıtdım. Burada daha çox şey əldə etmək imkanı da görürəm. NTD klubunda yaxşı məşqçi heyəti və insanlar çalışır. Ona görə də komandada qalmaq qərarını çox asanlıqla verdim", - deyə basketbolçu bildirib.

O, hər oyunda azarkeşlərə yaxşı şou göstərəcəklərini söyləyib: "Gənc komandayıq və bütün mövsüm boyunca yüksək əhval-ruhiyyə ilə oynayacağıq. Qarşıdakı mövsümə hazırlıq yaxşı gedir. Əminəm ki, məşqçi heyətimiz bizi yeni mövsümə ən yüksək səviyyədə hazırlayacaq”.

Qeyd edək ki, Azərbaycan Basketbol Liqasında 2024/2025 mövsümü oktyabrın 18-də start götürəcək.