"Sumqayıt"ın baş məşqçisi Aleksandr Mixaylov klubun mətbuat xidmətinə açıqlama verib.

Prosport.Az xəbər verir ki, rusiyalı mütəxəssis komandanın hazırkı vəziyyəti və yeni mövsümdəki hədəflərindən danışıb:

"Komandanın səviyyəsi haqqında hazırda heç nə deyə bilmərəm. Çünki hələ tam heyətlə məşq etmirik. Hələ 3 amerikalı oyunçu da sıralarımıza qoşulmalıdır. İndiki məqamda sadə kombinasiyaları və atışları sınaqdan keçiririk. Çempionat start götürənə qədər keçirəcəyimiz hazırlıq oyunlarında nəyə qadir olacağımızı görəcəyik. Hələlik əlimizin altında olan basketbolçuların fərdi keyfiyyətindən razıyıq. Hədəflərimizə gəlincə, ilk növbədə döyüşkən kollektiv formalaşdırmaq istəyirik. Ondan sonra pley-offa vəsiqə qazanmaq uğrunda mübarizə aparacağıq”.