Basketbol üzrə Azərbaycan çempionu "Sabah"ın FIBA Avropa Kubokunun qrup mərhələsində 3-cü rəqibi də bilinib.

Prosport.Az-ın xəbərinə görə, bu, onqat Belçika çempionu "Spiru" olub.

Şarlerua təmsilçisi Avropa Kubokunun təsnifat mərhələsində Portuqaliyanın "Sportinq" klubuna 2 oyunun cəmində uduzsa da (69:69, 72:79), məğlublar arasında 3 ən yaxşı nəticəyə malik komanda kimi turnirdə mübarizəni davam etdirmək şansı əldə edib.

Beləliklə, "Sabah"ın G qrupunda rəqibləri Belçikanın "Spiru", FIBA Çempionlar Liqasının təsnifat mərhələsində də qarşılaşdığı İsveçin "Norşöpinq Dolfins" və Yunanıstanın "Marussi" komandaları olub.

Artıq "Sabah"ın oyun təqvimi də bəllidir. Noyabrda Bakıda COP29 tədbiri keçiriləcəyindən, həmin vaxt "Sabah" səfərdə oyuna çıxacaq. Bu səbəbdən də "bayquşlar" qrupda oktyabrda baş tutacaq II, III və IV turun matçlarını Bakı İdman Sarayında keçirəcək. 

9 oktyabr
"Spiru" – "Sabah"
Şarlerua şəhəri

16 oktyabr
"Sabah" – "Marussi"
Bakı şəhəri

23 oktyabr
"Sabah" – Norşöpinq Dolfiins"
Bakı şəhəri

30 oktyabr
"Sabah" – "Spiru"
Bakı şəhəri

6 noyabr
"Marussi" – "Sabah"
Marussi şəhəri

13 noyabr
"Norşöpinq Dolfins" – "Sabah"
Norşöpinq şəhəri

Qeyd edək ki, qrup liderləri birbaşa 1/8 finala vəsiqə qazanır. Qruplarda 2-ci yeri tutmuşlar arasında ən yaxşı nəticəni göstərən 6 komanda da 1/8 finalda mübarizə aparmaq hüququ əldə edir.