“Sabah”ın FIBA Avropa Kubokunun qrup mərhələsində daha bir rəqibinin adına aydınlıq gəlib.

Prosport.Az xəbər verir ki, bu, Yunanıstanın “Marussi” klubudur.

Onlar təsnifat mərhələsində Kosovo “Peya”sını hər 2 oyunda məğlub edərək (106:81, 98:75) buna nail olub. Təmsilçimiz bu komanda ilə oktyabrın 16-da evdə, noyabrın 6-da səfərdə qarşılaşacaq.

Qeyd edək ki, FIBA Avropa Kubokunun G qrupunda qərarlaşan “Sabah”ın digər rəqibi Çempionlar Liqasının təsnifat mərhələsində qarşılaşdığı İsveçin "Norşöpinq Dolfins" komandasıdır. "Sabah"ın 3-cü rəqibinin adına bu gün aydınlıq gələcək. Avropa Kubokunun təsnifat mərhələsində uduzan komandalardan 3 ən yaxşı göstəriciyə malik 1-i "Sabah"ın rəqibi olacaq.