“Federasiya məndən kömək istədi və qarşıya qoyduğum şərt heyətin yaradılmasında sərbəstliyin verilməsi idi. Buradan Roke ilə bağlı sual da yaranır və o, ilk peşəkar müqaviləsinə hazır olduğuna qərar verdi”.
Prosport.Az-ın xəbərinə görə, bunu 20 yaşadək (U-20) oğlan millimizin və yeni yaradılmış "Ordu" klubunun baş məşqçisi Alberto Blanko deyib.
İspaniyanın Qalisiya vilayətinin Bilaqarsia de Arousa şəhərindən ötən ilin dekabrından böyüklərdən ibarət yığmada (Tahir Baxşıyevin köməkçilərindən biridir – red.) çalışan ilk məşqçi kimi tarixə düşmüş Alberto Blanko oğlu Roke Blankonun peşəkar basketbolçu kimi karyerasını Azərbaycanda davam etdirməsi ilə bağlı danışıb. O, "Bilaqarsia" komandasında oynasa da, ilk peşəkar müqaviləsini "Ordu" ilə bağlayıb: “Oğlumun burada olması ilə fəxr edirəm, baxmayaraq ki, o, əcnəbi oyunçu olduğu üçün imkanlarının çox olmaya biləcəyini bilir. Bu, həyatımda heç vaxt unuda bilməyəcəyim bir şeydir”.
O bildirib ki, Azərbaycan Basketbol Liqasında yeni mövsümdə qaydalar dəyişdirildiyindən, meydanda 4 əcnəbi və 1 yerli basketbolçunun oynamasının məcburi olması onu transferlərə diqqətlə yanaşmağa vadar edir: "Şablonun yaradılması da bir layihədir. İndi büdcəni dəqiq bildiyimə görə, transferlərə daha çox vaxt ayıracağam. Çünki mənim niyyətim 6 amerikalı deyil, həm də avropalı oyunçulara sahib olmaqdır və mən avropalıdan başladım. Roke üçün bu, ona məşqində kömək edəcək bir təcrübə olacaq, əsas məqsəd budur. O, Azərbaycana həm bir oyunçu kimi, həm də bir insan kimi öyrənmək və böyümək üçün gəlir. Azərbaycan liqası 3 ildir ki, peşəkar səviyyədədir. Ona görə də bura adaptasiya olunmaq var".
Blanko qarşısında məqsəd kimi U-20 millisinin basketbolçularından ibarət komanda yaratmaq qoyulduğunu bildirib: “Milli komandalarla gördüyüm iş çox yaxşı alındı. Federasiya məndən tanıdığım gənc oyunçuları yeni komandaya cəlb etmək üçün kömək istədi. Yeni komandam Moskva ÇSKA-sına bənzəyən komandadır. Sentyabrdan mən Roke ilə yanaşı yerli oyunçularla da məşqlərə başlamışam. Mənim 2-3 yerli oyunçum var, onlarla müqavilə bağlanılıb”.
"Sabah"ın daha təcrübəli oyunçulardan qurulduğunu bildirən Blanko məqsədinin 1/4 finala çıxmaq və daha sonra pley-offa vəsiqə qazanmaq olduğunu vurğulayıb: "Burada hər şey yavaş prosesdə gedir. Ancaq əsas məsələ gec olsun, güc olsundur. Bütün amerikalı oyunçular yığılanda oyun sistemini müəyyənləşdirəcəyəm. Klubun məqsədi pley-offa çıxmaqdır".
O, futbolla da məşğul olan oğlu Rokenin hansı qərar verəcəyini bilmir: "Bununla bilinəcək ki, o nə istəyir. Peşəkar olmasa da, futbola davam edib-etməyəcəyinə hələ qərar verməyib... Evdən uzaqda olmaq çətindir, xüsusən istirahət günlərində. Ancaq peşəkar olanda və belə məsuliyyətli bir işə sahib olanda bunlar unudulur. Burada Roke ilə birlikdə olmaq da mənə çox kömək edir, çünki burada tək qalmayacağam".
O, Litvanın "Ritas" komandasında məşqçi işləyərkən ("Sabah"ın indiki baş məşqçisi Rimas Kurtinaytisin köməkçisi təyin olunub – red.) də tək qalmadığını xatırladıb: "Böyük qızım Karlota hazırda ingilis dilində "Sənaye mühəndisliyi" ixtisası üzrə təhsil alır və əsasən Litvada mənimlə birlikdə qalmağı ona bu işdə kömək etdi".