"Gəncə" növbəti transferini həyata keçirib.

Prosport.Az xəbər verir ki, "sarı-göylər" millimizin üzvü Cəbrayıl Əkbərovla güclənib. "Cibo" ləqəbli hücumçu ilə mövsümün sonuna kimi müqavilə imzalanıb. 195 sm boya malik Əkbərov "Gəncə"də 11 nömrəli formanı geyinəcək. 

Basketbolçu qərb təmsilçisi üçün yad sima deyil. Belə ki, forvard 2022/2023-cü illər mövsümündə Nizami yurdunun komandasında çıxış edib. "Sarı-göylər" ilə birlikdə Azərbaycan Kubokunun qalibi və liqanın gümüş mükafatçısı olub. 

Cəbrayıl ötən mövsümü "Sərhədçi"də keçirib. "Cibo"  Çempionlar Liqasının təsnifat mərhələsinin oyunları üçün "Sabah"ın heyətində də yer alıb.

Xatırladaq ki, "sarı-göylər" daha əvvəl yerli basketbolçulardan Elşad Şirzadov, Maqsud Rüstəmov,  Nicat Hüseynov, əcnəbilərdən isə Lavon Holland, Kaan Yıldırımkanlı, Cordan Forbs, Barrel Romelo və Marqus Gilson ilə müqavilə bağlayıb.