"Qalatasaray" "Qarabağ"ın futbolçusu Toral Bayramovla maraqlanır.

Prosport.az xəbər verir ki, İstanbul təmsilçisi 22 yaşlı müdafiəçini mövsümün sonuna qədər izləyəcək. "Cim-bom" Bayramovla bağlı qərarını yayda verəcək.

Baş məşqçi Okan Buruk fransalı müdafiəçi Saşa Boyun yayda ayrılıq ehtimalına qarşı müdafiə mövqeyinə gənc və perspektivli futbolçunun transfer edilməsini istəyir. Mütəxəssisin namizədləri arasında Toral da var.

Daha əvvəl Türkiyə mətbuatı "Qalatasaray" rəsmilərinin "Qarabağ"la yoldaşlıq oyunu zamanı futbolçu ilə bağlı məlumat topladıqlarını bildirmişdi.

Toral Bayramov bu mövsüm 29 oyunda 1 qol, 4 məhsuldar ötürmə ilə yadda qalıb. Müdafiəçi Azərbaycan yığmasının da üzvüdür.