Polşalı şahmatçı Yan-Kşıştof Duda (2732) Şuşada keçiriləcək Vüqar Həşimov Memorialında iştirak edə bilməyəcək.

Prosport.Az xəbər verir ki, 26 yaşlı şahmatçı səhhətiylə əlaqədar yarışa qatıla bilməyəcək. Hazırkı vəziyyətdə sağlamlığı ona bu imkanı vermir.

Onu 26 yaşlı rusiyalı şahmatçı Vladislav Artemyev əvəzləyib.

Qeyd edək ki, Vüqar Həşimov Şahmat Fondu, Gənclər və İdman Nazirliyi, Azərbaycan Şahmat Federasiyasının təşkilatçılığı ilə keçiriləcək Vüqar Həşimov Memorialı sayca 10-cu dəfə baş tutacaq. Ənənəvi yarışa əvvəlki illərdə Şəmkir, Bakı və Qəbələ ev sahibliyi edib.