Kişi və qadınlardan ibarət millilərimiz Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında növbəti görüşlərini keçirib.

Prosport.Az xəbər verir ki, kişilərdən ibarət yığmamız IX turda Yunanıstanla üz-üzə gəlib.

Teymur Rəcəbovun kapitanı olduğu komandamız İtaliyanın ardından Yunanıstanla da 2:2 oynayıb. Komandamız xalını 12-yə yüksəltsə də, 1 pillə geriləyib – 21-ci yer.

Ümumdünya Şahmat Olimpiadası
IX tur

Kişilər. Yunanıstan – Azərbaycan 2:2
Nikolas Teodoru – Aydın Süleymanlı 1:0
Stamatis Kurkulos-Artidis – Rauf Məmmədov 0:1
İoannis Papayoannu – Şəhriyar Məmmədyarov 0,5:0,5
Andreas Kelires – Məhəmməd Muradlı 0,5:0,5

Qadın yığmaməz isə İsveçrəni məğlub etməkdə çətinlik çəkməyib – 4:0. Xalını 13-ə yüksəldən millimiz 8 pillə irəliləyib – 12-ci yer.

Qadınlar. İsveçrə – Azərbaycan 0:4
Aleksandra Kostenyuk – Günay Məmmədzadə 0:1
Lena Ceorcesku – Ülviyyə Fətəliyeva 0:1
Sofiya Qrızlova – Gövhər Beydullayeva 0:1
Mariya Manko – Xanım Balacayeva 0:1

09:30

Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında bu gün növbəti görüşlərini keçirəcək.

Prosport.Az xəbər verir ki, kişilərdən ibarət kollektiv IX turda Yunanıstanla üz-üzə gələcək.

Komanda hazırda 11 xalla 20-ci pillədə qərarlaşıb. Hindistan 16 xalla liderdir. Özbəkistan və Macarıstanın hərəyə 14 xalı var.

Yığma daha əvvəl Monteneqro (3:1), İordaniya (3,5:0,5), Finlandiya (3,5:0,5), Moldova (3:1) və Qazaxıstanı (3:1) məğlub edib, Hindistan (1:3) ilə Litvaya (1,5:2,5) uduzub, İtaliya ilə (2:2) isə heç-heçəyə razılaşıb.

Qadınlardan ibarət kollektiv IX turda İsveçrənin müqavimətini qırmağa çalışacaq. 11 xal toplayan milli 20-ci sıradadır. Hindistan, Polşa və Qazaxıstan 14 xala malikdir.

Yığma Sloveniya (3:1), Nikaraqua (4:0), Avstraliya (3:1) və Vyetnamdan (2,5:1,5) üstün olub, Argentina, Ukrayna və İtaliya ilə heç-heçə edib – 2:2, Qazaxıstana isə yenilib – 1:3.