Kişilər və qadınlardan ibarət millilərimiz Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında İtaliya yığmaları ilə üz-üzə gəlib.

Prosport.Az xəbər verir ki, qarşılaşmalar VIII tura təsadüf edib.

Hər iki millimiz reytinqdə özündən aşağı olan rəqibləri ilə heç-heçəyə razılaşıb – 2:2.

Aydın Süleymanlı – Danyele Vokaturo 0,5:0,5
Nicat Abasov – Lorentso Lodiçi 0,5:0,5
Rauf Məmmədov – Françesko Sonis 0,5:0,5
Şəhriyar Məmmədyarov – Sabino Brunello 0,5:0,5

Günay Məmmədzadə – Marina Brunello 0,5:0,5
Ülviyyə Fətəliyeva – Olqa Zimina 1:0
Gövhər Beydullayeva – Yelena Sedina 0,5:0,5
Xanım Balacayeva – Culiya Sala 0:1

11 xala malik kişi millimiz bu heç-heçədən sonra 6 pillə geriləyib bə 20-ci sıraya düşüb. Komandamız növbəti turda Yunanıstanla qarşılaşacaq. Eyni xala malik qadın millimiz də 20-ci sıradadır və 1 pillə geriləyib. Qadın şahmatçılarımızın növbəti turda rəqibi İsveçrə olacaq. 

12:18

Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında İtaliya yığmaları ilə üz-üzə gələcək.

Prosport.Az xəbər verir ki, qarşılaşmalar VIII tura təsadüf edəcək. Kişilərdən ibarət kollektiv 10 xalla 14-cü pillədə qərarlaşıb. Lider Hindistanın 14, ikinci sıradakı İranın 13, Özbəkistanın isə 12 xalı var.

Qadınlar isə 10 xalla 19-cudur. Hindistan 14 xalla liderdir. Polşa və Qazaxıstan 12 xala malikdir.

Qeyd edək ki, kişi şahmatçılarımız daha əvvəl Monteneqro (3:1), İordaniya (3,5:0,5), Finlandiya (3,5:0,5), Moldova (3:1) və Qazaxıstanı (3:1) məğlub edib, Hindistan (1:3) ilə Litvaya (1,5:2,5) uduzub.

Qadınlardan ibarət komandamız isə Sloveniya (3:1), Nikaraqua (4:0), Avstraliya (3:1) və Vyetnamdan (2,5:1,5) üstün olub, Argentina, Ukrayna ilə heç-heçə edib – 2:2, Qazaxıstana isə yenilib – 1:3.