Martın 31-də Türkiyənin Antalya şəhərində start götürəcək "Böyük Dəbilqə" turnirinə qatılan Azərbaycan cüdoçuları bəlli olub.

Prosport.az xəbər verir ki, qardaş ölkədəki yarışda 17 idmançı mübarizə aparacaq.

60 kq-da Kəramət Hüseynov, Nazir Talıbov, 66 kq-da Orxan Səfərov, Yaşar Nəcəfov, 73 kq-da Hidayət Heydərov, Nurlan Osmanov, 81 kq-da Səid Mollayi, Zelim Tçkayev, 90 kq-da Məmmədəli Mehdiyev, Murad Fətiyev, 100 kq-da Zelim Kotsoyev, 100 kq-dan yuxarı çəkidə Uşanqi Kokauri və Camal Həmzətxanov tatamiyə çıxacaq.

Qadın millimizdə isə 48 kq-da Leyla Əliyeva ilə Könül Əliyeva, həmçinin 52 kq-da Gültac Məmmədəliyeva və 57 kq-dakı Fidan Əlizadə qüvvəsini sınayacaq.

Qeyd edək ki, "Böyük Dəbilqə" aprelin 2-də başa çatacaq.