Ötən mövsüm "Sabah" basketbol klubu ilə Azərbaycan çempionu olmuş məşqçi Nikola Bojinoski komandadan ayrılıb.

Bu xəbəri Prosport.Az-a açıqlamasında şimali makedoniyalı məşqçinin özü təsdiqləyib:

"Bəli, "Sabah"dan ayrılmışam. Müqaviləmin müddəti 1 illik idi. Bu müddət başa çatdığından, oradan ayrıldım".

O, ötən il həmyerlisi olan baş məşqçi Boban Mitevə köməkçi təyin olunmuşdu. Mitev ailə vəziyyəti ilə əlaqədar olaraq, rəsmi olaraq komandanı dekabrda tərk etsə də, Nikola Bojinoski klubda qalmışdı. Bojinoski yeni çalışdırıcı gələnədək, baş məşqçi funksiyasını icra etmişdi.

Qeyd edək ki, "Sabah"ı ötən mövsümün ortasından litvalı baş məşqçi Rimas Kurtinaytis çalışdırır.