"Quba" basketbol klubu növbəti legioner transferini reallaşdırıb.

Prosport.Az xəbər verir ki, bölgə təmsilçisi ABŞ-dən olan növbəti basketbolçu ilə anlaşıb. Şəhriyar Əsgərovun rəhbərlik etdiyi kollektiv Malik Raşad Hantla razılığa gəlib. Onunla birillik müqavilə imzalanıb. 

Malik Raşad karyerası ərzində müxtəlif ölkələrdə legioner həyatı yaşayıb. O, "Mulege Mineyros"(Meksika), "Ginasio Olhanense"(Portuqal), "Sky Money Kinqs"(Çin), "Əl-Vatba"(Suriya), "Sorokaba"(Braziliya), "İmportadora Alvarado"(Ekvador) klublarında çıxış edib. 

1997-ci il təvəllüdlü basketbolçu artıq komandanın düşərgəsinə qoşulub.