"Şəki" basketbol klubu heyətini gücləndirməkdə davam edir.

Prosport.Az klubun mətbuat xidmətinə istinadən xəbər verir ki, "Şəki" 3-cü amerikalı oyunçusunu ictimaiyyətə təqdim edib.

Bu, ötən mövsüm Albaniyanın "Beselidya" klubu ilə çempion olmuş Aleks Koldvelldir. Tam adı Aleksander Koldvell olan 24 yaşlı basketbolçu oyun qurucusu (point guard) mövqeyində çıxış edir.

Xatırladaq ki, "Şəki" daha əvvəl baş məşqçi Bedri Meriç və məşqçi Vüqar Musayevi heyətinə qatıb. Bölgə təmsilçisi amerikalılardan Kris Barton, Karl Conzu, yerli oyunçu statusunda olanlardan Ərcan Donat və Əbdülmətin Quliyevin transferini elan edib.

Yeri gəlmişkən, bu gün "Şəki" ilk dəfə yeni mövsümün hazırlıqlarına start verib. Saat 10:00-da Şəki Olimpiya İdman Kompleksinin zalında baş tutan məşqdə yeni legionerlərdən Karl Conz da iştirak edib.