Azərbaycanda daha 2 klubun loqosu müəyyənləşib.

Prosport.Az xəbər verir ki, söhbət "Quba" və "Sumqayıt" basketbol klublarından gedir.

Ötən mövsüm "Cəlilabad" adı ilə çıxış edən "Quba" artıq adıçəkilən şəhəri təmsil etdiyindən, loqosunu dəyişib. Loqoda Quba sözünün ilk baş hərfi əks olunub. Komandanın baş məşqçisi əvvəlki tək Şəhriyar Əsgərov, oynayan məşqçi Zaur Paşayev və kapitan onun kiçik qardaşı Fikrət Paşayev olacaq.

"Sumqayıt"da isə loqo yenilənməsinə klub rəhbərliyinin dəyişməsinə görə üz tutulub. Yeni loqoda Gənclik şəhəri təmsilçisinin simvolu əks olunub.

Yeri gəlmişkən, rusiyalı Aleksandr Mixaylovun çalışdıracağı "Sumqayıt" ötən mövsüm komandada çıxış edən İsmayıl Əliyevlə yenidən anlaşıb. Bununla yanaşı, klub ötən mövsüm "Neftçi"nin formasını geyinmiş Zaur Quşanov və Türkiyənin "Ormanspor" klubunda oynamış, "Şəki"nin yeni transferi Ərcan Donatın qardaşı Saadettin Donatla 1 illik müqavilə bağlayıb.

Qeyd edək ki, adını dəyişmiş "Naxçıvan" və debütant "Ordu"nun loqosu yaxın günlərdə ictimaiyyətə təqdim ediləcək.