Yeni mövsümdən "Abşeron" basketbol klubu adı ilə fəaliyyət göstərəcək komandanın loqosu müəyyənləşib.

Prosport.Az xəbər verir ki, yeni mövsümdə komanda Abşeron Olimpiya idman kompleksində məskunlaşmaqla, ev oyunlarını da bu arenada keçirəcək.

Qeyd edək ki, kompleks Azərbaycan Basketbol Federasiyasının dəstəyi ilə təmir olunmaqla klubun ixtiyarına verilib. Arenada parket örtüyü, səbətlər və digər texniki qurğular standartlara cavab verən şəkildə yenilənərək ölkə çempionatı oyunlarını qəbul etmək üçün tam hazır vəziyyətə gətirilib.

Xatırladaq ki, "Abşeron" ötən mövsüm "Xırdalan" adı ilə təmsil olunub. İndi klub tək Xırdalan şəhərini deyil, həmin yerin də tabe olduğu bütün Abşeron rayonunu təmsil edəcək.