"Sabah" basketbol klubu artıq Çempionlar Liqası matçı üçün Türkiyənin Antalya şəhərindədir.

Prosport.Az-ın xəbərinə görə, litvalı baş məşqçi Rimas Kurtinaytisin yetirmələri bu gün qardaş ölkəyə çatıb.

Qeyd edək ki, "Sabah" ilk dəfə Çempionlar Liqası turnirində mübarizə aparacaq. Rəqib İsveçin "Norrşöpinq Dolfins" klubu olacaq. Sentyabrın 17-də Antalyada keçiriləcək oyun Bakı vaxtı ilə saat 16:30-da başlayacaq və İTV vasitəsilə canlı yayımlanacaq.