"Şəki" basketbol klubu daha bir oyunçunun transferini açıqlayıb.

Prosport.Az-ın xəbərinə görə, klub ötən mövsüm qısa müddət də olsa Belçika Pro Liqasında çıxış edən "Belfius Mons-Eno" klubunda forma geyinmiş Kris Bartonu transfer edib.

Bu ayın 26-da 28 yaşını tamamlayacaq Barton daha əvvəl Finlandiyanın "Hüvinkaan Ponteva" və Lüksemburqun "Amikal" klublarında da legioner həyatı yaşayıb.

Qeyd edək ki, "Şəki" klubunda daha əvvəl baş məşqçi postuna türkiyəli Bedri Meriç gətirilib. Həmçinin, millimizin türkəsilli oyunçusu Ərcan Donat da "Şəki"yə transfer olunub.