Azərbaycanın minifutbol üzrə "Birbaşa Bakı" komandası Polşanın paytaxtı Varşavada keçirilən Çempionlar Liqasının qalibi olub.

Prosport.Az xəbər verir ki, finalda Çexiya komandası BKMK ilə qarşılaşan təmsilçimiz 2:1 hesabı ilə qələbə qazanıb.

"Birbaşa" hesabı 1-ci dəqiqədə Mirmehdi Rzayevlə açıb. Çexiya komandasından Stanislav Lerx 5 dəqiqə sonra hesabı bərabərləşdirib. Lakin 10-cu dəqiqədə Təmkin Xəlilzadə qələbə qolunu vurub. Bununla da minifutbol tariximizdə ilk dəfə Azərbaycan komandası Çempionlar Liqasının qalibi olub.

Böyük futbolda millimizin də üzvü olmuş Təmkin Xəlilzadə həm də turnirin ən yaxşı oyunçusu kimi mükafat qazanıb.

12:59

Azərbaycanın minifutbol üzrə "Birbaşa" komandası Polşanın paytaxtı Varşavada keçirilən Çempionlar Liqasında finala vəsiqə qazanıb.

Prosport.Az xəbər verir ki, həlledici mərhələyə gedən yolda "Andezit" (Ukrayna) klubu ilə üz-üzə gələn təmsilçimiz rəqibini penaltilər seriyasında (4:3) məğlub edib.

Oyunun əsas vaxtı 1:1 hesablı heç-heçə ilə yekunlaşıb. Digər yarımfinalda BKMK (Çexiya) "Orteqa Tvins"ə (İspaniya) 1:0 qalib gəlib.

Qeyd edək ki, “Birbaşa” ilə BKMK arasında final görüşü bu gün Bakı vaxtı ilə saat 19:00-da başlayacaq.