"Birbaşa" (Bakı) Polşanın paytaxtı Varşavada keçirilən minifutbol üzrə Çempionlar Liqasında yarımfinal mərhələsinə vəsiqə qazanıb.

Prosport.Az xəbər verir ki, komanda 1/4 finalda Rumıniya təmsilçisi "Nova Vita" ilə üz-üzə gəlib.

Rəqibinə qalib gələn (2:1) Azərbaycan təmsilçisi növbəti mərhələyə yüksəlib. Yarımfinalda rəqib Ukraynanın "Andezit" (Xust) komandası olacaq. Digər yarımfinalda isə "Birbaşa"nın yer aldığı qrupda 2-ci və 3-cü olmuş komandalar mübarizə aparacaq. Bunlar Çexiyanın BKMK (Brno) və İspaniyanın "Orteqa Tvins" (Malaqa) komandalarıdır. 

Qeyd edək ki, "Birbaşa" 1/8 finalda ölkənin digər komandası “AzNur”u məğlub etmişdi – 1:0.

17:39

Azərbaycan çempionu "Birbaşa Bakı" minifutbol üzrə UEFA Çempionlar Liqasında 1/4 final mərhələsinə vəsiqə qazanıb.

Prosport.Az xəbər verir ki, komanda 1/8 finalda Azərbaycanın gümüş mükafatçısı "AzNur"la üz-üzə gəlib.

Qarşılaşma "Birbaşa Bakı"nın minimal hesablı qələbəsi ilə bitib – 1:0.

Qeyd edək ki, daha əvvəl “AzNur” C qrupunu 5 xalla 3-cü pillədə başa vurub. Eyni xalı toplayan “Birbaşa Bakı” isə E qrupunda lider olub.