"Qarabağ"ın 16 yaşadək (U-16) futbolçulardan ibarət komandasının İtaliyada keçiriləcək beynəlxalq turnirdəki rəqibləri dəyişib.

Prosport.Az xəbər verir ki, bu, Neapol şəhərində təşkil olunacaq “Blue Devils Cup” turnirində komandaların say artımı ilə bağlıdır. Belə ki, turnirdə 16 yox, 24 komanda mübarizə aparacaq.

İştirakçılar arasında “Yuventus”, “Napoli”, “Roma”, “Fiorentina” və “Dinamo” (Zaqreb) kimi tanınmış klublar var.

C qrupunda yer alan "Qarabağ" əvvəlki tək qrupda İtaliya klubları ilə qarşılaşacaq. Ağdam təmsilçisi sabah “Tor Tre Teste”, ardınca “Benevento” ilə görüşəcək. Ertəsi gün rəqib “Sanseverineze” olacaq.

Qrup qalibləri və 2-ci yerin sahiblərindən ən yaxşı nəticəyə malik 2 komanda 1/4 finala yüksələcək. Digər iştirakçılar isə aşağı pillələr uğrunda mübarizəni davam etdirəcək.

Asif Əlizadənin baş məşqçisi olduğu heyətdə 23 futbolçu yer alıb: Bilal Hacıyev, Amin Rzayev, Uğur Qurbanlı, Səid Nuriyev, Hüseyn Bayramov, Murad Quluzadə, Riad Qaradağlı, Əli Bəşirov, Polad Hüseynov, Kəmaləddin Cəfərli, Onur Əliyev, Eldar Abbasov, Kənan İsmayılov, Adəm Qafarov, Murad İbrahimli, Alı Abdullayev, Fərid Cavadlı, Əli Zeynalzadə.

Qeyd edək ki, turnirə sentyabrın 8-də yekun vurulacaq.