Türkiyənin "Alanyaspor" klubu 12 yaşadək komandasını (U-12) Qubada keçiriləcək "Ulduz Cup" beynəlxalq turnirinə göndərə bilməyib.

Prosport.Az-ın xəbərinə görə, klub Bakıya bilet tapa bilməyib.

Təşkilatçı "Ulduz" Futbol Akademiyasının direktoru Mehman Alimov saytımıza açıqlamasında bildirib ki, artıq bu barədə cümə günü "Alanyaspor" onlara məlumat verib. Onların yerinə isə Quba Olimpiya İdman Kompleksinin komandası yarışacaq.

Qeyd edək ki, 2-6 sentyabrda keçiriləcək yarışın A qrupunda Şimali Kipr millisi, "Bunyodkor" (Özbəkistan), "Ulduz" və Quba OİK, B qrupunda "Dinamo" (Minsk, Belarus), "Saburtalo" (Gürcüstan), "Qarabağ" və "Metak" (Qusar) yarışacaq.