Milli komandamızın və “Sabah”ın qapıçısı Nicat Mehbalıyev iş yerini dəyişə bilər.

Prosport.Az xəbər verir ki, “Qəbələ” və “Səbail” klubları 22 yaşlı qolkiperin xidmətində maraqlıdır. Lakin Mehbalıyevin taleyi öz əlində deyil.

Onun “Sabah”la müqaviləsi var və paytaxt klubu xidmətində maraqlı olmasa, onu adıçəkilən klublardan birinə icarəyə verə və ya sata bilər.

Qeyd edək ki, Nicat daha öncə “Qəbələ”də çıxış edib və uğurlu mövsüm keçirib.