“Turan Tovuz”un futbolçuları yeni mövsümdən etibarən Bakıda yaşayacaqlar.

Prosport.Az-ın məlumatına əsasən, komanda ev oyunlarından bir gün əvvəl Tovuza gələcək, məşq edəcək və azarkeşləri önündə qarşılaşmaya çıxacaq. Tovuzda oyun olmayan vaxtlarda isə komanda Bakıda məşq edəcək və oyunçular paytaxtda məskunlaşacaq.

Əcnəbi oyunçuların Bakıda yaşamaq istəyini nəzərə alan klub rəhbərliyi bu qərarı verməyə məcbur olub. Klub bu qərarın komandaya müsbət təsir edəcəyini düşünür.