"Qarabağ"ın baş məşqçisi Qurban Qurbanov Şuşaya ezam olunmuş jurnalistlərə müsahibə verib.

Prosport.Az-ın həmin müsahibəni təqdim edir:

– Şuşada basketbol yarışını izləyirsiniz. Fikirləriniz maraqlıdır...
– Basketbola marağım həmişə olub. Çoxdan idi canlı izləmirdim. Çox sağ olsun, cənab nazir (Azərbaycan Basketbol Federasiyasının prezidenti – S.M.) Emin Əmirullayev dəvət etdi. Böyük məmnuniyyətlə qəbul etdim. Mənim üçün maraqlı və xoş oldu. Həm bu cür gözəl diyarımızı gördüm, həm də yarışı izlədim. Çox xoş idi və maraqlı keçdi.

– “Qarabağ”ın basketbol komandasının liqada mübarizə aparacağı gözlənilir?
– Təklif olunub. Nazirlə rəhbərliyimizin görüşü olub. Böyük ehtimalla, bu, baş verəcək. Bu işin içində deyil. Amma məlumatım var ki, müzakirələr gedir və ola bilsin ki, bizim komandamız liqada mübarizə aparsın.

– “Qarabağ” yeni mövsümün hazırlığına başladı. Transferlərdən nə xəbər var?
– Həmişəki kimi işlər gedir və axtarışdayıq.

– Şuşanı gəzə bildiniz? Haralarda oldunuz?
– Çox yeri gəzdim. Gəziləsi yerlərin çoxunu ziyarət etdim. Çox sevindim. Çox gözəl idi. Xatirələrimdə qalacaq günlər yaşadım.

Səbuhi Musa