"Qəbələ" ilə yeni müqavilə yeniləmək istəməyən Rafael Utziqin yeni iş yeri müəyyənləşmək üzrədir.

Prosport.Az-ın əldə etdiyi məlumata görə, agenti vasitəsi ilə bir neçə təklif alan braziliyalı forvard "Zirə" ilə münasibətləri rəsmiləşdirməyə daha yaxındır.

"Qartallar"ın Bakının qəsəbəsini təmsil etməsini də müsbət məqam qismində dəyərləndirən cənubi amerikalı forvard növbəti mövsümdən məhz bu klubun formasını geyinməyi planlaşdırır. Digər tərəfdən, Utziq "Zirə"də "Qəbələ"də aldığından daha yüksək əməkhaqqı qarşılığında top qovmaq şansına malikdir.

Qeyd edək ki, Rafael 2020-ci ilin sentyabrından qırmızı-qara formanı geyinib. Son mövsümdə Qəbələ təmsilçisinin heyətində 30 çempionat matçında 4 qol və 2 məhsuldar ötürmə ilə yadda qalan 26 yaşlı hücumçu qalibi olduğu Azərbaycan Kubokunda 4 oyunda 2 dəfə rəqib qapılarına yol tapıb. Konfrans Liqasının təsnifat mərhələsində Macarıstan "Fehervar"ına qarşı da 2 görüş keçirən Utziq bu qarşılaşmalarda 1 qol vurub və 1 dəfə komanda yoldaşının macarların qapı torunu silkələnməsinə nail olub.