"Şamaxı" heyətini yeni futbolçu ilə gücləndirib.

Prosport.Az-ın əldə etdiyi məlumata görə, bölgə təmsilçisi belçikalı forvard Jonatan Bentekenin keçidini həll edib.

Lüksemburqun "Union" klubundan transfer edilən 29 yaşlı hücumçunun tezliklə rəsmi müqaviləyə imza atacağı gözlənilir.

Qeyd edək ki, "Şamaxı"nın yeni transferi tanınmış futbolçu Kristian Bentekenin kiçik qardaşıdır. Jonatan Benteke bunadək ölkəsində "Vize", "Zülte Vareqem", İngiltərədə "Kristal Pelas", "Oldhem Atletik", Kiprdə "Omoniya", Almaniyada "Alemanniya", "Verqberq-Beek" və ABŞ-da "Laudaun Yunayted" komandalarının da formasını geyinib.