"Qarabağ"ın 16 yaşadək futbolçulardan ibarət komandası (U-16) Estoniyanın paytaxtında keçirilən “Tallinn Cup”ın qalibi olub.

Prosport.Az xəbər verir ki, iyulun 4-də Latviyanın “Auda” komandası 4:1 (Əli İbrahim (2), Əli Əliyev, Rəşid Tarıverdiyev), iyulun 5-də İsveçin “Hesselbü” komandası 4:0 (Əli İbrahim (2), Əli Əliyev və Sahib Əliyev), Estoniyanın “NF Akademi” komandası 2:1 (Əli İbrahim (2)), iyulun 6-da İsveçin “Yarlaberq” komandası 3:2 (Əli İbrahim (2), Əli Abışev), Estoniyanın “Olimp” komandası 4:1 (Əli İbrahim (2), Sahib Əliyev, Əli Qazıbəyov) hesabı ilə məğlub edilib.

Bu gün Rəşad Sadiqovun yetirmələri beynəlxalq turnirdəki son oyununda yerli “Narva Trans” komandası ilə qarşılaşıb. Komandamız bu matçda 2:0 hesabı ilə qalib gəlib. Rəqib qapısına Sahib Əliyev və Fərhad Abbasov yol tapıb.

Beləliklə, turnirdə keçirdiyi 6 oyunun hamısında qələbə qazanan və 18 xal toplayan "Qarabağ"ın U-16-sı yarışın qalibi olub. Elşən Nəsirov ən yaxşı qapıçı, 10 qol vurmuş Əli İbrahim ən yaxşı oyunçu mükafatına layiq görülüb. Turnirdə “Narva Trans” 12 xalla 2-ci, “Olimp” 9 xalla 3-cü yeri tutub.

Qeyd edək ki, turnirdə 7 komanda dairəvi sistemlə mübarizə aparıb.