"Qarabağ" və "Sabah" AFFA-nın aşağı yaş qruplarının finalı ilə bağlı verdiyi qərardan narazı qalıb.

Prosport.Az-ın xəbərinə görə, hər iki klub bu gün keçiriləcək AFFA U-15 Liqasının finalının saat 17:00-a salınmasından narazıdır.

Bu 2 klubun Akademiya rəhbərliyi bu saatlarda olan isti hava şəraitinin uşaqlara pis təsir etdiyini bildirsə də, qərar dəyişdirilməyib. Əldə etdiyimiz məlumata görə, AFFA-nın balansında olan "ASCO Arena"nın projektorları yenidən sıradan çıxdığından, matç bu vaxta salınıb.

Qeyd edək ki, "Qarabağ" və "Sabah"ın həm U-15, həm də U-14 komandaları finalda üz-üzə gələcək. Bu narazılıqdan sonra U-14-ün finalının artıq başqa stadionda keçiriləcəyi və matçın başlanmasının daha gec saata salınması gözlənilir.