"Qarabağ"ın "Hədəf" qruplarından sayılan daha bir komanda da Azərbaycan çempionatında finala çıxıb.

Prosport.Az-ın xəbərinə görə, "köhlən atlar"ın 14 yaşadək komandası (U-14) yarımfinalın ilk matçda 3:2 məğlub etdiyi "Vətən"i bu dəfə öz meydanında – "Sərhədçi" İdman Mərkəzinin stadionunda qəbul edib.

Görüş gözlənilən əksinə darmadağınla nəticələnib. Meydan sahibləri nominal qonaqları 8:1 hesabı ilə məğlub edib. İlk hissədə 5, fasilədən sonra 4 qol qapılara vurulub. "Qarabağ"dan Arda Əzizli dubl edib (2, 32). Digər qolları Daniil Rəcəbov (12), Roman Fərzəliyev (18), Məhəmməd Məmmədov (38), Səid Zalov (43), Cavidan Əlizadə (60) və Əli Bəşirov (61) vurub. "Vətən"in gücü isə penaltidən təsəlli qoluna çatıb.

Bununla da ümumi hesabda 11:3 qalib gələn "Qarabağ" adını finala yazdırıb. Finaldakı rəqib bu gün "Sabah" – "Qəbələ" oyunu bitdikdən sonra bilinəcək.

Qeyd edək ki, "Qarabağ"ın "Hədəf" qruplarından daha 2-si daha əvvəl finala çıxıb. U-13 komandası artıq "Neftçi"yə qalib gələrək Azərbaycan çempionu olub. U-15 komandası isə sabah "ASCO Arena"da saat 17:00-da "Sabah"la final görüşünə çıxacaq.