İyunun 15-də Estoniyanın paytaxtı Tallində fəaliyyət göstərən "Viimsi Qarabağ" komandası Latviyanın Baldone şəhərində keçirilən beynəlxalq minifutbol turnirinin finalçısı olub.

Prosport.Az-ın xəbərinə görə, Latviya və Estoniyadan başqa, Finlandiya, Polşa və Litva komandaları da burada mübarizə aparıb.

Azərbaycanlıların yaratdığı "Viimsi Qarabağ" qrupda bütün rəqiblərini məğlub edərək finaladək irəliləyib. Finalda rəqib qrupda 3:0 məğlub etdikləri Litvanın "Taurus" komandası olub. Bu dəfə oyunun əsas vaxtı 1:1 başa çatıb. Penaltilərdə litvalılar daha dəqiq olub.

Qeyd edək ki, son mövsümdə Estoniya futzal çempionatının bürünc medallarını qazanmış "Viimsi Qarabağ" bu yarışda Latviya Seyminin azərbaycanlı deputatı Amil Səlimovun dəstəyi ilə iştirak edib.