"Qarabağ"ın "Hədəf" qrupları AFFA-nın keçirdiyi liqalarda uğurlu çıxışını davam etdirir.

Prosport.Az-ın xəbərinə görə, "Qarabağ"ın U-14 komandası 1/4 finalın cavab oyununda da "Sumqayıt"a qalib gəlib – 3:0. Qolları Daniil Rəcəbov, Məhəmməd Məmmədov və Uğur Qurbanlı vurub. Asif Əlizadənin yetirmələri yarımfinalda "Vətən"lə qarşılaşacaq. İlk oyun iyunun 14-də "ASK Arena"da baş tutacaq.

Ağdam təmsilçisinin U-15 komandası isə artıq yarımfinalda ilk oyununu keçirib. Komanda "Neftçi" PFK-ya 3:1 qalib gəlib. "Qarabağ"dan qolları Onur Əliyev (35), Amin Rzayev (70), Murad İbrahimli (78) vurub. "Neftçi"nin gücü isə penalti qoluna çatıb. 85-ci dəqiqədə Amil İbişov penaltidən təsəlli qoluna imza atıb. Cavab oyunu iyunun 15-i saat 18:00-da "Sərhədçi" İdman Mərkəzinin stadionunda keçiriləcək.

Qeyd edək ki, "Qarabağ"ın U-13 komandası iyunun 14-də "ASCO Arena"da "Neftçi" PFK ilə final oyununa çıxacaq. Matç saat 17:00-da başlayacaq.