Minifutbol millimiz Bosniya və Herseqovinanın paytaxtı Sarayevoda keçirilən Avropa çempionatında qrup mərhələsini lider kimi tamamlayıb.

Prosport.Az xəbər verir ki, Fransa yığması ilə qarşılaşan Elşad Quliyevin komandası 3:1 hesabı ilə qalib gəlib. Yığmamızdan qolları Mirkamil Əliyev (8), Ramiz Çovdarov (30) və Vüsal İsayev (49) vurub.

Bu nəticənin ardından yer aldığı F qrupunda maksimum nəticə göstərən millimiz turnir cədvəlini 9 xalla 1-ci tamamlayıb.

Yığmamız 1/8 final mərhələsində E qrupunun 2-cisi olan Bolqarıstan yığması ilə qarşılaşacaq. Görüş sabah Bakı vaxtı ilə saat 19:30-da başlayacaq. Bu cütün qalibi 1/4 finalda Qazaxıstan – Sloveniya oyununun qalibi ilə görüşəcək.

Qeyd edək ki, bundan əvvəlki 2 turda Azərbaycan yığması Belçikanı 3:0, İtaliyanı isə 2:1 hesabı ilə məğlub edib.

10:05

Azərbaycanın minifutbol millisi Bosniya və Herseqovinanın paytaxtı Sarayevoda keçirilən Avropa çempionatında bu gün növbəti matçını keçirəcək.

Prosport.Az xəbər verir ki, yığmamız qrup mərhələsinin III turunda Fransa ilə qarşılaşacaq.

Matçın start fiti saat 19:00-da səsləndiriləcək.

Qeyd edək ki, bundan əvvəlki 2 turda Azərbaycan yığması Belçikanı 3:0, İtaliyanı isə 2:1 hesabı ilə məğlub edib. Hazırda komandamız 6 xalla liderdir. Fransa 4 xalla 2-ci, İtaliya 3 xalla 3-cü, Belçika 1 xalla sonuncu pillədə qərarlaşıb.