Estoniya millisinin AVRO-2024-ün seçmə mərhələsində Azərbaycan və Belçika yığmalarına qarşı keçirəcəyi oyunlar üçün heyəti bəlli olub.

Prosport.Az yerli federasiyasının rəsmi saytına istinadən xəbər verir ki, isveçrəli baş məşqçi Tomas Heberli 25 oyunçuya dəvət göndərib.

Qapıçılar: Karl Yakob Heyn ("Arsenal", İngiltərə), Matvey İqonen ("Podbeskidze", Polşa), Karl Andre Valner ("Levadiya");

Müdafiəçilər: Tayo Teniste ("Tammeka"), Karol Mets (“Sankt Pauli”, Almaniya), Yoonas Tamm (“Styaua”, Rumıniya), Nikita Baranov ("Pünik", Ermənistan), Myarten Kuusk, Mixael Lilander, Marko Lukka (hər üçü "Flora"), Rasmus Petson, Edqar Tur (hər ikisi "Levadiya");

Yarımmüdafiəçilər: Konstantin Vasilyev, Henrik Oyamaa, Martin Miller (hər üçü "Flora"), Mattias Kyayt ("Rapid", Avstriya), Vlasi Sinyavski ("Slavaçko", Çexiya), Markus Poom “Şemrok Rovers” (İrlandiya), Georgi Tunyov (SPAL, İtaliya), Rokko Robert Şeyn ("Utrext", Niderland), Martin Vetkal ("Roma", İtaliya);

Hücumçular: Erik Sorqa ("Lokomotiv", Bolqarıstan), Rauno Sappinen ("Stal", Polşa), Sten Reynkort ("Flora"), Henri Anyer (klubsuz).

Qeyd edək ki, iyunun 17-də Bakıda Azərbaycan komandasının qonağı olacaq Estoniya seçməsi 3 gün sonra Belçikanı qəbul edəcək.