Türkiyənin Antalya şəhərində keçirilən "Junior World Cup" beynəlxalq turnirində iştirak edən "Sabah"ın U-15 komandası turnirdə çıxışını başa vurub.

Prosport.Az xəbər verir ki, qrup mərhələsində Almaniya çempionu "Herta"ya (0:6) məğlub olan, Türkiyənin "Başakşehir Kartal" (2:0) komandasına qalib gəlmiş "Sabah" C qrupunun son matçında  Rusiyanın "Kosmos" (6:1) komandasını da yenərək növbəti mərhələyə vəsiqə qazanıb.

1/4 finalda Almaniyanın "Şpeyer 09" komandasına qalib gələn (1:0) "Sabah" yarımfinala adlayıb. U-15 bu mərhələdə Argentina çempionu "River Pleyt"ə uduzub (1:3). Elvin Həsənovun baş məşqçisi olduğu komanda 3-cü yer uğrunda matçda CAR-ın "Kuoh Faundeyşn Akademi" komandasına məğlub olub (0:1).

Beləliklə, komandamız 16 komandanın yarışdığı beynəlxalq turniri 4-cü pillədə başa vurub.