"Qarabağ" və "Sabah"ın aşağı yaş qruplarından ibarət komandalarının Türkiyənin Antalya şəhərində iştirak etdiyi "Junior World Cup" turnirinə start verilib.

Prosport.Az-ın xəbərinə görə, "Sabah"ın U-15 komandası əvvəlcə "Herta"ya (Almaniya) 0:6 darmadağın olub, daha sonra "Başakşehir Kartal" (Türkiyə) komandasına 2:0 qalib gəlib. Sabah "Sabah" C qrupunda sonuncu oyununu "Kosmos"a (Almaniya) qarşı keçirəcək.

Bu ilin martında Belarusun paytaxtı Minskdə "Bizim gələcəyimiz" adlı turnirin qalibi olmuş "Qarabağ"ın U-14 komandası isə turnirə inamla başlayıb. Əvvəlcə "Dikilitaş" (Türkiyə) 8:0 darmadağın edilib, daha sonra "Özərspor" (Türkiyə) 2:0 məğlub edilib. 6 xalla B qrupuna başçılıq edən "köhlən atlar" sabah "Oyna" (Qazaxıstan) ilə qarşılaşacaq.

Eyni zamanda bildirək ki, U-14-lərin turnirində "Sabah" da C qrupunda iştirak edir. "Sabah" Türkiyənin "Əl-Nühbə" və "Kəpəzaltı" komandaları ilə 2:2 oynayıb. "Sabah" qrupda son görüşünü "Ortaca Əsnaf" (Türkiyə) komandasına qarşı keçirəcək.

"Qarabağ"ın U-9 komandası isə A qrupunda "Kentyıldız"a (Türkiyə) 1:2 uduzsa da, "Karagümrük"ə (Türkiyə) 1:0 qalib gəlib. Sabah rəqib Antalya karması və qrup lideri "Torbalıgücü" olacaq.