Minifutbol üzrə Azərbaycan çempionatında 2023/24 cü il mövsümünə yekun vurulub

Prosport.Az xəbər verir ki, 16 komandanın mübarizə apardığı ölkə çempionatının qalib və mükafatçıları ötən gün müəyyənləşib.

Yarışın həlledici qarşılaşmasında “Aznur” və “Birbaşa Bakı” komandaları görüşüb. Oyun “Birbaşa Bakı”nın 5:2 hesablı qələbəsi ilə nəticələnib. Beləliklə, “Birbaşa Bakı” ardıcıl 3-cü dəfə (2021/2022, 2022/2023, 2023/2024) çempion adına layiq görülüb və ölkəmizi Çempionlar Liqasında təmsil etmək hüququ qazanıb.

Ölkə çempionatının bürünc medalına isə “Odlar Yurdu” komandasına 3:1 qalib gələn “Real Bakı" futbolçuları sahib çıxıb.

Qeyd edək ki, “Birbaşa Bakı” komandasının üzvləri Vəli Qafarov mövsümün ən yaxşı qapıçısı, Təmkin Xəlilzadə isə ən yaxşı futbolçusu adına layiq görülüb. Çempionatın ən məhsuldar futbolçusu isə 26 qolla “Zirə”nin futbolçusu Rəvan Kərimov olub.