"Neftçi"nin fransalı cinah hücumçusu Kilan Lebonun Prosport.Az saytına müsahibəsi

– Azərbaycan Kubokunun finalında "Qəbələ"yə uduzdunuz. Bu barədə fikirlərinizi öyrənərdik...
– Hücumlar yaradırdıq. Ancaq yaratdığımız vəziyyətlər çox da təhlükəli ola bilmirdi. Buna baxmayaraq, rəqib 1 penalti qolu ilə qalib gələ bildi. Məncə, biz bundan əvvəl çox qol vura bilərdik. Düşünürəm ki, biz qələbəyə layiq idik. Ancaq bu, futboldur, biz vura bilmədik, onlar yararlandı.

– Penaltiyə qədər "Qəbələ"nin dirəkdən dönən topu və digər təhlükəli əks-hücumları vurdu. Bu qədər rəqibə şans verilməsində kimin günahı çoxdur?
– Onların əks-hücumları təhlükəli olurdu, çünki "Qəbələ" ancaq müdafiədən oynayırdı. Biz isə ancaq hücumda oynayırdıq. Ona görə də onların tez-tez əks-hücumda olmaları normaldır. Deməzdim ki, onların çox qol epizodları oldu. Məncə, bizdə daha çox hücum oldu.

– Titulsuz qaldıqdan sonra baş məşqçi Laurentsiu Reqekampfın istefaya göndəriləcəyi gözlənilir. Rumın məşqçi getsə, sizi onun gətirdiyini nəzərə alıb klubu tərk etməyiniz mümkündürmü?
– Mənim müqaviləm baş məşqçi ilə yox, klubladır. "Neftçi" ilə daha 1 illik müqaviləm var. Ona görə də "Neftçi"də qalacağam.

– "Neftçi" bu il titul qazana bilmədi. Futbolçular deyir ki, bunda günahkar bizik. Bəs məşqçilər korpusu günahkar deyilmi?
– Bu barədə fikrim yoxdur. Hər yaxşı klubun enişli vaxtı olur. İndi biz hBiz Azərbaycan Kubokunun finalında uduzsaq da, növbəti mövsüm ölkəni Avropa Konfrans Liqasında təmsil edəcəyik. Bu da pozitiv amildir. Düşünürəm ki. artıq yeni mövsümə köklənməliyik.

Səbuhi Musa