Serbiyanın paytaxtı Belqradda keçirilən boks üzrə Avropa çempionatında fiasko yaşanıb.

Prosport.Az xəbər verir ki, Azərbaycanın 5 qadın idmançısı bir gündə turnirlə vidalaşıb. Onlar 1/4 finalda meydan sahibi və bolqarıstanlı boksçularla bacarmayıb.

Belə ki, Anaxanım İsmayılova (48 kq) Sevda Asenovaya (Bolqarıstan), özbək əsilli Mərcanə Savriyeva (50 kq) Nina Radovanoviçə (Serbiya), Zeynəb Rəhimova (52 kq) Venelina Portolevaya (Bolqarıstan), Məhsəti Həmzəyeva (57 kq) Svetlana Stanevaya (Bolqarıstan) və Şəhla Allahverdiyeva (66 kq) Milena Matoviçə (Serbiya) uduzub.

Qeyd edək ki, 18 boksçumuzdan Kuba əsilli olimpiya mükafatçısı və dünya çempionu Loren Alfonso yarımfinala çıxmaqla azı bürünc medalı özü üçün təmin edib. 11 boksçumuz isə turnirlə medalsız vidalaşıb.