“Sərhədçi”nin baş məşqçisi Evren Alkaya Azərbaycan Kubokunun yarımfinalında “Neftçi”yə qarşı keçirəcəkləri oyundan danışıb.

Prosport.Az xəbər verir ki, türkiyəli mütəxəssis matçın əhəmiyyətindən söz açıb:

“Hər iki komanda üçün önəmli oyundur, çünki yarımfinaldır. 3 gün sonra da final oyunu var. Qazanmaq üçün əlimizdən gələn edəcəyik. Kuboka görə hazırlaşdıq, burada olan limitə görə məşq etdik. Rəqibin bütün hücum və müdafiə planına diqqət etdik, ona görə hazırlıq keçdik. Bu çətin oyunda qalib gəlməyə çalışacağıq".

O, rəqibin güclü məşqçi heyətinə sahib olduğunu bildirib: "Keyfiyyətli yerli oyunçuları var. Biz də öz gücümüzə görə mübarizə aparacağıq. Komandamız üçün həlledici oyundur. Düşünürəm ki, sona qədər ən yaxşısını etməyə çalışmalıyıq. Azərbaycan basketbolu da bu oyundan qazansın. Azarkeşlər üçün yaxşı matç olacağına ümid edirik”.