“Qarabağ”ın 14 yaşadək futbolçulardan ibarət komandası (U-14) Belarusun paytaxtı Minskdə təşkil olunan “Bizim gələcəyimiz” turnirində son oyununu keçirib.
Prosport.Az-ın Minskə ezam olunmuş əməkdaşının verdiyi xəbərə görə, Asif Əlizadənin baş məşqçisi olduğu U-14 komandası finalda Belarusun BATE komandası ilə görüşüb. "Köhlən atlar" qrupda 0:1 məğlub olduğu Borisov təmsilçisindən qisasını eyni hesabla alıb.
Komandamızın yeganə qolunu 28-ci dəqiqədə Cavidan Əlizadə vurub. Bu qələbə ilə “Qarabağ” turnirin çempionu olub.
Həmçinin, bu turnirdə 4 qola imza atmış "Qarabağ"ın forvardı Daniil Rəcəbov ən yaxşı hücumçu, 3 qol + 2 məhsuldar ötürmə etmiş Cavidan Əlizadə isə isə ən yaxşı oyunçu seçilib.
Qeyd edək ki, martın 18-də başlamış turnirdə "Qarabağ" qrupda Rusiyanın "Lavina" komandasını 6:0, eyni ölkənin "Rotor" (Moskva) komandasını 2:0 məğlub edib. "Qarabağ" qrupda liderlik uğrunda görüşdə isə Belarusun BATE komandasına 0:1 yenilib. Bununla belə, finala gedən yolda komandamız Rusiyanın "Baltika" və "Pskov" komandalarına 1:0 qalib gəlməyi bacarıb.