Rusiyalı qrossmeyster Sergey Karyakin Azərbaycanda keçiriləcək şahmat üzrə Dünya kuboku yarışına dəvət alıb.

Prosport.az xəbər verir ki, bu haqda TASS məlumat yayıb. Həmçinin qeyd olunub ki, Beynəlxalq Şahmat Federasiyası (FİDE) idmançıya ölkəsinin bayrağı altında çıxış etmək qadağası qoyub. Karyakin yarışda yalnız neytral statusda iştirak edə bilər.

Dünya kuboku yarışı 29 iyul - 26 avqust tarixləri arasında Bakıda təşkil olunacaq. 33 yaşlı şahmatçı yarışa qatılıb-qatılmayacağı bağlı qərarını iyunun 2-nə qədər bildirməlidir.

Daha əvvəl Karyakin deyib ki, beynəlxalq turnirlərdə neytral bayraq altında iştirakdan imtina edəcək.