Azərbaycan millisinin futbolçusu Mahir Emreli Xorvatiyanın "Dinamo" (Zaqreb) klubunda növbəti oyunu da buraxacaq.

Prosport.Az "Report"a istinadən xəbər verir ki, 26 yaşlı hücumçu Yunanıstanda PAOK-a qarşı keçiriləcək UEFA Konfrans Liqasının 1/8 final mərhələsinin cavab oyununda iştirak etməyəcək.

Mahir Emrelinin adı martın 14-də reallaşacaq görüşün iştirak ərizəsinə daxil edilməyib.

Qeyd edək ki, Zaqrebdəki ilk matçda meydan sahibləri qələbə qazanıb – 2:0. Yanvarın əvvəlində sıradan çıxan forvard bu yaxınlarda zədəsini sağaldıb və komanda ilə məşqlərə qoşulub.