Azərbaycan boksçusu Sərxan Əliyev İtaliyanın Busto Arsistyo şəhərində keçirilən I Dünya Olimpiya Təsnifat Turnirində 2-ci qələbəsini qazanıb.

Prosport.Az xəbər verir ki, 71 kq çəkidə qüvvəsini sınayan dünya çempionatının mükafatçısı 1/16 finalda Aleksandr Trofimçuku (Litva) məğlub edib.

S.Əliyev rəqibinə 3:2 (29:28, 29:28, 28:29, 28:29, 29:28) hesabı ilə qalib gəlib. O, növbəti döyüşünü martın 10-da keçirəcək.

Ancaq digər boksçularımız mərhələni dayandırıb. Məhsəti Həmzəliyeva (57 kq) ilk döyüşündə Preedakamon Tintabtaya (Tailand) 2:3 uduzub.

Olimpiya mükafatçısı, dünya və Avropa çempionu Loren Alfonso (92 kq) dünya və Avropa mükafatçısı Enmanuel Reyesə (İspaniya) 0:3 yenilib. Tayfur Əliyev (63,5 kq) Şion Nişiyama (Yaponiya) ilə bacarmayıb – 2:3.

Qeyd edək ki, Paris-2024 Yay Olimpiya Oyunlarına lisenziya xarakterli turnirin 6-cı günündə Azərbaycan millisinin 3 boksçusu rinqə çıxacaq.