"Zirə”nin futbolçusu Eldar Quliyev Ukraynanın olimpiya millisinə çağırılıb.

Prosport.Az xəbər verir ki, 21 yaşlı yarımmüdafiəçinin adı Macarıstanın Seqed şəhərində (17-25 mart) təlim-məşq toplanışı və Fukuoka şəhərində Yaponiya ilə yoxlama oyunu (25 mart) üçün baş məşqçi Ruslan Rotanın heyətində yer alıb.

"Sabah"ın keçmiş futbolçusu Aleksey Kaşşuk da milliyə dəvət olunub.

Qeyd edək ki, Ukraynanın U-21 yığması Avro-2023-də yarımfinala yüksələrək tarixində ilk dəfə Parisdə keçiriləcək Olimpiya Oyunlarında iştirak hüququ əldə edib.

Xatırladaq ki, 2024-cü il Olimpiya Oyunlarının futbol turnirlərinin püşkatma mərasimi martın 20-də Parisdə olacaq. Turnir iyulun 24-dən avqustun 9-dək Fransanın  Paris, Marsel, Lion, Bordo, Sent-Etyen, Nis və Nant şəhərlərində təşkil olunacaq.